Оппозиция Таластан жыйын өткөрүп, бийликке айбатын көрсөткөнү калды

14-июль, 15:32

551 ᠌ ᠌ ᠌ ᠌᠌ ᠌ ᠌᠌

“Бириккен демократиялык кыймыл” 16-июлда Таласта жыйын өткөзүп, бийликке карата сын-пикирлерин айтышып, атаандаштык аракеттерин сынамакчы. Барган сайын оппозиция жанданып, күчөп баратканы байкалууда. Бул жээктен өзгөчө Равшан Жээнбековдун таскагы катуулап, бийликке карата байма-бай курч билдирүүлөрүн жарыялап келет. Эч нерседен коркпогонун көрсөтүүдө. Эл да баарына көз салып турат. Негизинен сынчыл көз караштар арбып, Равшан мырзаны колдогондор кадимкидей байкала баштады. Натыйжада, 16-июлдагы оппозициянын Таластагы жыйынына бир топ тоскоолдуктар, өткөзбөй коюуга аракеттер көрүлүшү “мыйзам ченемдүүлүк” эмеспи. Бул саам кандай жаңылыкка күбө болобуз? Таластан “тушоо кесүү” көп нерсени ачыктаса керек...

 "Азия Ньюс" гезити