Эдил Байсалов менен Каныбек Досмамбетов тирешип атабы?
Саламаттык сактоо министри Каныбек Досмамбетов сасык тумоонун жайылышына байланыштуу балаты майрамын өткөзүүгө тыюу салганына вице-премьер-министр Эдил Байсалов каршы сөз айтып, тескерисинче, балдарга ооруну жапырт жугузуп туруп, 12 күндүк каникулга таратып жиберүүнү билдирген. Коомчулукта талкуу жаралганын кантебиз? Топурагы жеңил Эдил мырзаны жерден алып көргө, көрдөн сууруп жерге чабышкандай эле жамандашты го. Өзгөчө соцтармактар эки күн дуулдап турду. Кызыгы, айрым маалыматтар боюнча Эдил Байсалов менен Каныбек Досмамбетовдун тирешүүсү башталганы каңкууланды. Эки ача пикирди айтышкан жетекчилердин көз караштары карама-каршы келишсе, иштин ыргагына таасири тийип, араздашуу ырбап кетпейби? Бул таризде күбүр-шыбырлар күүлдөп турган чагы...
