“Шакылдаган жеңени үй чечкенде көрөбүз” дегендей, Масадыковдун тили гана сайраганына ынандык

29-апрель, 19:00

535 ᠌ ᠌ ᠌ ᠌᠌ ᠌ ᠌᠌

Эсибизде. Таалатбек Масадыков коопсуздук кеңешинин төрагасынын орун басарлыгына дайындалганда коомчулук көптү үмүтөнгөн. Тилекке каршы, эл күткөндөй ишеним акталбады. Масадыков сүйлөсө кооздоп, тилинен алтын шилекей чачыраткандай шөкөттөп, баш айландырып келген. Билбегендер аны “укмуш гений” катары сыпаттап жиберишкеничи? “Шакылдаган жеңени үй чечкенде көрөбүз” дегендей, “каарманыбыздын” тили сайраганы менен колунан эч нерсе келбегенин көрсөттү. Кыйла убакыттан бери эмне иш бүтүргөнү белгисиз. Тек гана элдин эсебинен айлык алып, өз кара башын багып жүргөн жөн салды пендеге айланды окшойт. Реалдуу жашоодо таасирдүү фигура эмес экен. Мындайлар качанкыга чейин мамлекетке жүк болот? 

"Азия Ньюс" гезити