Мээнеттин дөөлөтү, же министр Руслан Казакбаевдин иш билги жүрүшү
Өлкөбүздүн өнүгүүсү үчүн тер төгүп, каруусун казык кылып иштеген, казынага кол салбай таза жүргөн чоң кызматтагылар аз эле. Эл аралык деңгээлде Кыргызстандын туусун бийик көтөрүп, аброюн арттырып, алыскы-жакынкы чет өлкөлөр, стратегиялык өнөктөштөр менен тыгыз мамиле түзүп, соода-экономикалык, маданий-гуманитардык байланыштарды бекемдеп, тышкы иштер министри Руслан Казакбаев тажрыйбалуу дипломат катары жан тынымын албай иштеп келатат. Анын ошол кызылдай мээнети жогору бааланып, өлкөбүздүн экономикасынын өнүгүүсүнө, тышкы байланыштарынын бекемделишине кошкон салымы үчүн “ Данакер” ордени менен сыйланды.
Эске салсак, Бакуга расмий иш сапары менен барганда ооруп калганына карабай, расмий жолугушууларды үзгүлтүккө учуратпай өткөрүп, сүйлөшүүлөрдү чебер жүргүзүп, соода-экономикалык келишимдерге кол коюп, өлкөбүз үчүн маанилүү иштерди бүтүргөндөн кийин, анан дарыланып баштаган экен. Өлкөгө, элге болгон сүйүүсүн куру сөз менен эмес, ак эмгеги менен далилдеген дипломат Руслан Казакбаевди сыйлыгы менен куттуктайбыз!
"Азия Ньюс" гезити
