Дастан Жумабеков: “Эл Конституцияны колдоп, ушул системаны тандады”
-- Дастан Артисбекович, бир топ депутаттар, анын ичинде сиз дагы санариптештирүү министрлигине талапкерди тааныштырууга министрлер кабинетинин жетекчиси, же орун басары келбегенине нааразы болуп, атүгүл маселени күн тартибинен алып салуу боюнча да айттыңыздар. Кандай дейсиз, Жогорку Кеңешке карата мындай мамилеге сиздер өзүңүздөр, өткөн чакырылыштын депутаттары себепкер эмессиздерби?
-- Бул нааразычылык эмес. Мен процедуранын сакталбай жатканын эле түшүндүрүп, “экинчи мындай болбосун” деп эскертип койдум. Негизи, министрликке талапкерди алып келгенде министрлер кабинетинин башчысы, же орун басары келиши керек. Себеби, жоопкерчилик министрлер кабинетинин төрагасында, ошол тармакты тейлеген орун басарларында болот.
-- Бирок, мурдагы чакырылыштарга караганда азыркы парламент кыйла “алсырап” калганын моюнга аласыз да?
-- Эми аны эл чечпедиби. Эл Конституцияны колдоп, ушул системаны тандады. Көпчүлүккө баш ийиш керек.
"Азия Ньюс" гезити