Анапияевдин астында бүжүрөп жүргөн Примов вице-спикер болуп, баш көтөргөндө
Раматылык Алмамбет Анапияев саясатчыларды, чиновниктерди жана бизнесмендерди калчылдаткан жагынан кыйын эле. Астына аргымак салбагандай... Көп эле сөздөр легенда катары айтылып жүрөт. Алардын бирине токтолсок, кадимки Улан Примовго телефон чалып, эскертүүсүн айтканын элестетип атасыңарбы? Коён сыңарындай катып калып, сүйлөй албай мукактанып, титиреп кеткени жалганбы? “Кармап алса кан какшаткан образга салчу” дейт. Агезде Примов ишкерчилик менен алектенип, жаза басып жүргөн окшойт. (Азыр деле көмүр кениндеги мыйзамсыздыктар арбыганы, салыктан качканы каңкууланып келет). Зыгырынан айланганы узун кеп го?.. Эми ушул Жогорку Кеңештин вице-спикери катары төрдө отуруп калды. Чиренип. Аттиң, Алмамбет Анапияев тирүү болгондо бүжүрөп, кирерге тешик таппай калчылдап турмак да, туурабы? Заманың менен куруп кал!
"Азия Ньюс" гезити