Бакиевдер бүтүп, эми алардын балдар-кыздары тумшуктарын матыра баштадыбы?

Курманбек Бакиевдин бир тууганы Марат Бакиевдин кызы Кыргызстанга 100 электромобилдерди алып келерин жар салышып, пиар кылып жатып калышты. Элибиздин көпчүлүк катмары кыжырдануу менен кабыл алганын байкадык. Себеби, 2005-2010-жылдар аралыгында ондогон буюртма адам өлтүрүүлөр болгону, 7-апрелде 87 бала шейит кетип, канчасы майып абалында жарык дүйнө менен кош айтышты? Өткөн күндөрдөгү аянычтуу окуялар унутулбайт, ошон үчүн кечирилбейт! Кандуу режим тушунда Максим, Жаныш баш болгон үй-бүлө мүчөлөрү элдин ырыскысын каалагандай “майкандашып”, “жондон кайыш тиле” баштаганда төңкөрүш болбоду беле? Эми Бакиевдердин өздөрү бүтүп, алардын балдары ири бизнес долбоорлорун башташканы, өлкөбүзгө коркунуч жаратышып, тумшуктарын салып киришкени кандай? Буларсыз деле электромобилдик автоунааларды алып келе алабыз. Бизнес өнүгөт. Эң башкысы, мамлекетибизде туруктуулук, адилеттүүлүк сакталышы зарыл.
"Азия Ньюс" гезити