Кыргызстанда журналисттик кесиптин баркы кеттиби?
Соңку жылдардагы саясый кырдаалдар көп нерсеге таасир этти. Айрыкча эркин журналисттер чындыкты айта албай калышканын эл аралык талдоочулар да баамдашууда. Сөз эркиндиги тыйылып, көрсөткүчү артка жылганын “Чек арасыз кабарчылар” уюму билдирип келет. Бир топ журналист, блогерлер камалып чыгышты, түрмөдө жаткандары да бар. Ошентип, келечекке карай бул кесипти аркалоого кызыккандар азая баштайт. Ким эле камалып, куугунтук жеп жашагысы келсин? Өзгөчө курч калемгерлер чыкпай калуу коркунучу күчүндө. Баары эле мактамайга, кошоматчылыкка ыктай беришсе, элестетип көргүлө. Кандай коомду курабыз? Сөз эркиндигине чектөөлөр адам укуктарына таасири тийет, эң башкысы, мамлекеттин өнүгүүсү солгундай берет. Азыртан эле байкала баштады го...
"Азия Ньюс" гезити
