Ректор Чонтоев чок басты...
УКМК тарабынан Жусуп Баласагын атындагы КУУнун окууга катышпаган студенттери аныкталып, алар окуудан чыгарылганы маалымдалды. Коомчулукта чоң резонанс жаралып, талкуу жанданды. Бул боюнча кылмыш иши козголуп, учурда тергөө амалдары уланууда. Университетке келбей эле 2710 студент окуп аткандай катталып, одоно мыйзам бузушканы таңгалдырды. Натыйжада, ректор Догдурбек Чонтоевдин жоопкерчилиги каралбайбы? Бул тамаша эмес да. Жусуп Баласагын атындагы КУУнун кадыр-баркын кетирип салбадыбы! Моралдык жагынан да оор сокку урулду! Кыскасы, Догдурбек Чонтоев чок басты... Универстетте азыр кантип отурат? Токтоосуз түрдө кызматтан кетип, анан суракка барышы керек эле. Мыйзамдуу өлкөлөрдө кылмышка шектелген жетекчилерге ушундай чара колдонулат.
"Азия Ньюс" гезити
