Абылгазиев менен Эсеналиевдин ордуларына кимдер келет?
Буга чейин кадрдык өзгөрүүлөргө аракеттер көрүлүп келгени менен окшошпой, элге үмүт бербей аткан. Эмесе, жазга карай бул жаатта кескин бурулуштар болору, иралды өкмөт башчы Мухамметкалый Абылгазиев, президенттик аппараттын башчысы Досалы Эсеналиев да отставкага кете турганы кабарланды. Ошого катар күч органдарынын жетекчилери да алмашарын эшиттик.
Соңку убактагы вице-премьерлердин алмашуусу да коомчулукка жакшы кабыл алынбай, бул жааттан да кескин түрдө сын-пикирлер курчуп кетиптир. Быйыл саясый окуяларга бай жыл болорун эсепке алсак, анда “жети өлчөп, бир кесүүгө” мезгил келди да...
Кыскасы, учурда аткаруу кызматтарынын баардык тармактарында көйгөйлөр арбын. Мына ушул жагын ыраатка сала турган өкмөт башчы ишке жарабай атса, демек, күтүүсүз кадрдык жаңылануулар эми башталат окшойт...
"Азия Ньюс" гезити