Акыркы кабарлар
» Саясат » БШК спикер Талант Мамытовду талапкер катары каттоодон баш тартты
БШК спикер Талант Мамытовду талапкер катары каттоодон баш тартты
25-октябрь, 11:57
Борбордук шайлоо комиссиясы Жогорку Кеңештин төрагасы, "Ынтымак" партиясы менен парламенттик шайлоого бара жаткан Талант Мамытовду талапкер кылып каттоодон баш тартты. Бул тууралуу Борбордук шайлоо комиссиясынын мүчөсү Абдыжапар Бекматов билдирди.
"Парламенттик шайлоого катышуу үчүн талапкерлигин койгон саясый мамлекеттик кызматты ээлеген адам кызматын өткөрүп бериш керек болчу. Талант Мамытов кызматын өткөрүп бербегендиктен, Боршайком жумушчу топтун сунушун колдоп, аны каттабоо чечимин кабыл алды" деп билдирди Бекматов.
2021-жылы кабыл алынган шайлоо жөнүндөгү жаңы конституциялык мыйзамга ылайык шайлоого бараткан мамлекеттик кызматкерлер кызматтан кетиши керек.
