Иса Өмүркулов:“Мен аягына чейин КСДПнын лидери боюнча калам”
-- Иса Шейшенкулович, айрым депутаттарда коалициянын жыйынынын протоколу жүрөт. Жыйында эмне маселе каралды?
-- Коалициянын жыйыны болгон жок. Жыйын болбосо, кайдагы протокол? Жыйын болсо, мен билмекмин да.
-- Депутат Абдылдаев сизге карата “коалициядан чык, коалиция тарасын, өкмөт отставкага кетсин” деп жатат...
-- Коалицияны таратууга азыр эч кандай негиз жок. Биргеликте иш жүрүп жатат.
-- Парламенттик шайлоого катышасызбы жана кайсы партиянын катарында?
-- Азырынча бул тууралуу ойлоно да элекмин. Пландар жок. Шайлоого чейин дагы убакыт бар. Мен үчүн баарынан өлкөнүн туруктуулугу маанилүү. Күздө өтчү шайлоо өтө маанилүү саясый окуя. Жаңы парламент, ага жаңы депутаттарды шайлайбыз. Шайлоону тынч, мыйзамдуу өткөрүп алууга тилектешмин.
Ал эми өзүмдүн жеке пландарымды да азырынча билбей турам, чечим кабыл ала элекмин. Убакыт жакындай берсин, көрөбүз. Азыр болсо КСДП фракциясынын лидери катары, депутат катары ишмердигимди улантып жатам. Аягына чейин лидер бойдон калам.
-- КСДП шайлоого барабы?
-- Шайлоо жакындай берсин, убакыт көргөзөт...
Динар Турдугулова
"Азия Ньюс" гезити
