Феликс Кулов Кыргыз Эл Баатырын алуу үчүн бийликти мактап жүрөбү?
Фейсбуктан Феликс Кулов байма-бай пост жазып турат. Алдын ала бийликтин каалоосуна жараша ыңгайлаштырып, түштүктө айткандай “пахта койгонду” кыйла өздөштүрүп алыптыр. Коомдогу саясый окуяларга өз баасын берип, төбөлдөргө жан тартып, айтор, жаналекетке түшкөнүнө күбө болуп келебиз. Анын мындай жоругуна абройлуу генерал байкебиз сырын ачкандай кылды. “Кулов Эл Баатырын ала албай эле эки доско кошомат кылып жүрөт. Акыркы үмүтү ошол. Бизде жагымпоздор “баатырларга” айланып калганын кантебиз? Азыр мамлекеттик сыйлыктардын баркы жок!” деди. Чындыгында татыксыздар жогорку даражадагы сый-ургаалдарды ала беришип, улуттук баалуулуктарга байланыштуу сыймыктана турган эмнебиз калды? Эгерде Феликс Куловго Кыргыз Эл Баатыры ыйгарылса, анда өзүңөр талдай бергиле! Мамлекеттүүлүктүн ыйыктыгына шек кетеби?
"Азия Ньюс" гезити
