Акыркы кабарлар
» Саясат » Аскар Акаев учурда УКМКда сурак берүүдө, бошотулаары күтүлүүдө
Аскар Акаев учурда УКМКда сурак берүүдө, бошотулаары күтүлүүдө
02-август, 16:25
Ушул жылдын 8-июлунда УКМК төрагасы Камчыбек Ташиев “Кумтөр” долбоорун ишке ашыруудагы коррупциялык фактылар боюнча изделип жаткандардын арасында Аскар Акаев дагы бар экенин айткан.
“Акаев Кумтөр келишиминдеги коррупциялык иштер боюнча ошол кездеги башка кызмат адамдары сыяктуу эле кылмыш жоопкерчилигине тартылган. Тагыраагы, ал президент кездеги бул коррупцияга катыштыгы бар адамдардын аракеттерине юридикалык баа берилген” деп айтылат билдирүүдө.
Ошону менен бирге УКМКдан “тарыхый адилеттүүлүктү орнотуу үчүн Акаевди Кыргызстанга алып келүү, кылмыш жоопкерчилигине тартуу иштери жүргүзүлгөнүн” айтышты.
“Жыйынтыгында Акаев 2-августта Бишкекке алып келинип, ведомстволор аралык тергөө тобуна берилди” деп айтылат УКМКнын билдирүүсүндө.
Учурда Акаев УКМКнын имаратында экени белгилүү болду. Өздүк булактардын билдирүүсү боюнча Акаев сурактан соң кайрадан бошотулат.
