Түркияда Эрдоган менен Байдендин сүрөтү нааразычылыкты жаратты
Түркияда Эрдоган менен Джо Байдендин сүрөтү чоң нааразычылыктарды жаратууда. Анда Эрдоган НАТОнун саммитинде АКШ президенти Джо Байдендин колун өөп жаткандай элес калтырган.
Бирок, чын-чынына келгенде, Эрдоган болгону жанына басып келген АКШ президентине санитардык-эпидемиологиялык эрежелерге ылайык ордунан туруп, муштуму менен учурашканы жаткандыгы белгилүү. Болгону бул ракурсту Батыш журналисттери өздөрүнө ылайыктап сүрөттөп, басылмаларга жүктөп жиберишкен.
Бул окуя боюнча Түркиянын президентинин кеңешчиси Исмаил Сесур британиялык “Financial Times” гезитин сынга алып, коомго Эрдоган тууралуу ачакей пикирди жаратуу операциясын ишке ашырууга айыптаган.
Ошол эле маалда “Reuters” агенттиги бул окуя боюнча түшүндүрүү берип, анда Эрдоган болгону отургучтан туруп Байден менен учурашып жаткандыгын жазып, калган башка сүрөттөрдү ачыктаган.