Айнуру Алтыбаева: “Ала качуу мыйзамдарын катаалдаштырдык”
Ала качуу боюнча 175-берене (“Адамды никеге туруу максатында уурдоо”) 170-беренесине (“Адам уурдоо”) кошулбайт. Бул тууралуу Жогорку Кеңештин депутаты Айнуру Алтыбаева билдирди.
“Кыргызстан” агенттигинин маалымат борборунда “Уурдалып, өлтүрүлгөн кыздар: бийлик аларды кантип коргойт?” аттуу тегерек үстөл болуп өттү.
“Бурулай, Айзаданын окуяларынан кийин Жогорку Кеңеште чоң талкуу болду. Айрым кесиптештер 175-беренени 170-беренеге (“Адам уурдоо”) кошууну сунуштады. Бирок бул өзгөчө кылмыш болгондуктан, аны адам уурдоого кошпой, өзүнчө бир катар ченемдерди койдук. Тагыраагы, “Адамды никеге туруу максатында уурдоо” деп калтырып, болгону аны катаалдаттык. Мыйзам долбоору даяр болгон, учурда талкууда. Эл өкүлдөрү менен ошол ченемдерди макулдашканга аракет кылабыз” деди Алтыбаева.
