Бийлик бутактарында түндүк-түштүк тең салмактуулугу бузулду. Тезинен оңдогула!
Парламенттин төрагасы Талант Мамытов Жалал-Абад облусунан, премьер-министр Улукбек Марипов менен Жогорку соттун төрайымы Нургүл Бакирова Оштон, УКМК төрагасы Камчыбек Ташиев Жалал-Абаддан, башкы прокурор Курманкул Зулушев да Ош облусунан.
Эң орчундуу, таасирдүү кызматтар! Мындай бир тараптуулук мурдагы режимдерде болгон эмес! Ошондо аткаруу, мыйзам чыгаруу, сот, негизги күч органдарын тескегендер кимдер экенине баам салдыңар. Эмне үчүн биз муну көзгө сайып атабыз? Себеби, кандай башкаруу болбосун, чечүүчү жогорку бийлик бутактарында кадрлардын аймактык тең салмактуулугу каралышы керек. Тилекке каршы, дал ушул жагынан калыстыктан тайып, түндүк-түштүк балансы бузулганына күбөбүз. Бийликтеги катачылыктар тезинен оңдолушу шарт.
"Азия Ньюс" гезити
