Райымбек Матраимов океандай чалкыган кайрымдуулук иштерин пиар кылчу эмес
Ооба, билебиз. Убагында Райымбек Матраимов океандай чалкыган кайрымдуулук иштерин жасачу. Санап бүтө албайсың. Андай жакшылыктарын жарнама кылчу эмес. Жараткандын ыраазычылыгы үчүн да, туурабы? Мунун өзү бийик сапат эмеспи.
А азырчы? Айрым иштерди, тамчыдай берешендик көрүнүштөрдү көккө сапыргандай пиар кылышып, чурулдашып видео тартышып, айтор, жанталашып эле жатышат. Кудайга жагабы? Кимдир бирөөгө, же баласына жардам берсең, муктаждыгын чечсең, аны эмнеге элге жаясың? Мактанба да! Же шайлоо жакындап калдыбы? Соопчулук, кайрымдуулук иштерин саясатчылар гана пайдаланышып, коомчулукка жайылтып келишкен. Ал эми чыныгы инсан көмүскөдө гана калтырып коёт тура.
Кыскасы, кыкеңдерге өсүү керек экен. Сакал коюп алып эле бапылдабай, адам болууну да үйрөнгүлө. Бул жагынан Райымбек Матрамовдун баркын сезип атабыз...
"Азия Ньюс" гезити
