Данияр Рыскулов ким? Кара-Суу РИИБ жетекчиге жарыбай койду
“Айткандын оозу жаман, ыйлагандын көзү жаман” дейт. Анын сыңарындай, кандай жагдай болбосун, реалдуулукту көрүүгө кадам салуу парз. Мисалы, Данияр Рыскулов Бишкек ШИИБ орун басары катары иштей албай, кызматынан кол жууганын эстебейлиби? Бир жагынан “кычкыл суу” да кедергисин тийгизгенби? Буга чейин өзүн көрсөтө албаган кадрды Кара-Суу РИИБ начальнигине дайындашканы таңгалдырууда. Жоопкерчиликти сезбеген, дайыма жетекчиликтен сын уккан адамга кандай баа бересиңер? Эгерде Данияр Рыскулов жакшы иштей алса, Бишкек шаарынан эле ийгилик жаратмак да. Эми элинин саны арбын Кара-Суу районуна барыптыр, ротация шылтоосу менен. А жердеги мурдагы начальниктер орой катачылыктарды кетиришип, жумуштан айдалышкан эле. Ансыз да Ош ОИИБ башчысы Нурланбек Бурканов тескери сөз ээрчитип, “сөгүштөн” башы кутулбай атканда, огобетер кошул-ташыл болот тура...
"Азия Ньюс" гезити
