Сокени кармаса Рустам Маманов кулагынан чоюп саларын айтты

23-апрель, 14:29

939 ᠌ ᠌ ᠌ ᠌᠌ ᠌ ᠌᠌

Өзүнчө оригиналдуу дүйнөсү бар, меценат Рустам Мамановду кимдер билбейт? Табиятынан ак көңүл, кыргыздын тыңчыкма уулуна кандайдыр бир жалаа жабылып, Сооронбай Жээнбеков бийликке келер менен каматып салган. Эмнесинен жазганын агездеги расмий орган коомчулукка толук кандуу ачыктаган эмес. Көпчүлүк арсар ойдо калган эле. Ошентип, чымынга да жамандык кылбаган Рустам Маманов үч жыл УКМКнын жертөлөсүндө отуруп, муңканып, акыры 2020-жылдын соңунда эркиндикке чыккан. Учурда бизнес менен алектенип, ден соолугун чыңдап жүрөт. Сөз арасында “Сокени кармасам кулагынан чоём” деп тамаша-чынга салып, ызырынып калмай жайы бар. Сары кишинин ачуусу чукул болот эмеспи, чын эле Рустам мырзанын алдынан Соке чыгып калса эмне кылат ыя?  

"Азия Ньюс" гезити