Жакут Сыдыков, куудул: “Бир эле иним бар эле…”
Куудул Жакут Сыдыков инисине арнап ыр чыгарып, аны Инстаграмдагы баракчасына жүктөдү:
Чыңгызым, жанды кейиткен,
Таппадым сени кейиштен.
Эртеби-кечпи барамын,
Тосуп ал бизди Бейиштен.
Бир тууган кайдан табылат?
Муңканып агаң сагынат.
“Бейиштен орун берчи?” деп
Кудайдан сурайм жалдырап.
Кабыргам сыздап кайгырдым,
Салмагы кантет кайгыңдын.
Бир эле иним бар эле,
Бир боорум, сенден айрылдым.
Эске салсак, 27-декабрда куудул Жакут Сыдыковдун бир тууган иниси каза болгон. Маалыматка ылайык, куудулдун бир тууган иниси Чыңгыз Сыдыков жүк ташуучу унаа айдап иштеген. Маркум 27-декабрда кырсык болгон күнү унаасын токтотуп, дөңгөлөгүнүн алдына башын салып, тетиктерин текшерейин деп жатканда бир нерсе жарылып кеткен. Чыңгыз Сыдыков алган жаракатынан улам окуя болгон жерде көз жумган.
Анын артында 5 баласы жана жубайы калды.
