Айзада Жамгырчиева: “Суук жыланды койнума жылытып жүргөн экенмин...”
Алпаруучу Айзада Жамгырчиева дос деп жүргөн адамдардын сатып кетери тууралуу социалдык баракчасына жазды:
“Таңгалдым, көрсө суук жыланды койнума жылытып жүргөн экенмин да. Сиздерде ушундай учур болгонбу? Жакын деп жанашып жүрүп, досум деп ишенимге кирип, анан эле артыңдан ар кандай айың кепти айткан, «котур ташы койнунда» адамдар кезиккенби? Сен эле кыйын кыз боло берчи, мен ушундай эле жүрө берейин, жөнөкөй, адыраң-шадыраң. Мен байкуш ачык мүнөзүм менен аңдап билгенче, ушундай көп убакыт өтүп кетет” деп пикирин калтырды алпаруучу өзүнүн баракчасына.
Аталган постту алпаруучунун күйөрмандары талкуулап, Айзада айым кимди айтып жатканына кызыгышууда.
Эскерте кетсек, Айзада Жамгырчиева 1995-жылы 23-августта Талас облусунун Кызыл-Октябрь айылында төрөлгөн. Учурда теле алпаруучу, тамада, актриса, ырчы катары таанымал.
