Эмил Жороев: “Президентибиз “казынабыз бош калган жок, жетиштүү каражат бар” деди”
-- Баткендеги окуя экономикабызга оор сокку болду. Алдын ала чыгымдар тууралуу кеп козгоого мүмкүнбү? Казынабыз чыгымды каржылай алабы?
-- Жалпыбыз, өзгөчө мамлекеттик казынаны билбегендер кандай өлчөмдө каражат сарпталышы керек экенин айта албайбыз. Бюджетте канча каражат бар экени да белгисиз. Бир чети үстүртөн эсептелген чыгымды 1,500 миллиард сом деп жатышат. Бул өтө үстүртөдөн эсептелгендиктен, аталган сумма дагы көбөйүшү мүмкүн. Экинчи жагы, президент өзүнүн элге кайрылган сөзүндө айтып өткөндөй, “казынабыз бош калган жок, жетиштүү каражат бар” деди. Демек, биз канча каражат керектелсе, ошону табабыз деген ойдомун. Албетте, чоң суроону туудурганы: айлык акылар көбөйсө, башка чыгымдар болсо дагы Кумтөрдүн эсебинен деген гана кепти угабыз. Ушул сыяктуу суроолорго так жооп берүү же алдын ала карай билүү мүмкүн эмес болуп турат.
Албетте, Баткенди жөн гана калыбына келтирүү, чыгымдарды ордуна коюу эмес, өнүктүрүү программасы да болушу шарт. Өнүктүрүүдө мурдагыдай инвестиция тартуу ж.б. иштер эмес, так ошол коопсуздукту бекемдей турган өнүгүүнү иштеп чыгуубуз зарыл.
Жамиля Нурманбетова
"Азия Ньюс" гезити
