Элнура, Асел жана Малика өбүшүү үчүн эриндерине кам көргөнбү?
Бүгүнкү күнү көпчүлүк келбетине, дене-түзүлүшүнө өзгөртүү киргизгилери келишет. Адистер пластикалык операциялардын өнүгүүсү менен Кыргызстанда муну жасатуу өтө оңой болуп калганын айтышат. Айрыкча адистерге эриндерин, көкүрөгүн чоңойткусу келген ырчылар кайрылышат. Бирок, денесинин кайсы бөлүгүнө өзгөртүү киргизгендерин ачыктагылары келишпейт. Булардын арасында саясатчы, депутаттар да бар экени айтылып жүрөт. Аты-жөнүн жашыруун калтыргысы келген пластикалык хирург оозун, көкүрөгүн чоңойтуп, же сурма жасатышы ыктымал (!) деген белгилүүлөрдүн мурдагы жана азыркы сүрөттөрүндөгү айырмачылыктарды салыштырды.
-- Журналист Элнура Алканова, ырчы Асел Кадырбекова жана Малика Дина эриндерине көлөм коштурушу мүмкүн. Бул косметологиялык процедура, тагыраагы, ийнеге сордурулган биогель эринге куюлуп, ал оозду чоңойтот. Эриндердин көлөмү бир жарым жылга чейин сакталып, бара-бара өзү сорулуп жок болот. Кыздар муну сексуалдуу көрүнүш үчүн жасатышат. Өбүшкөндө “мазза” го? Анын ден соолукка зыяны жок, баалары алты миң сомдон жогору.
