Алты айда бир толкунданып, жүрөгү дүкүлдөгөн Алтынай Нарбаева
Кыргыз Республикасынын Эмгек сиңирген артисти Алтына Нарбаева карантин башталган бери, тагырагы, 6 айдан бери төркүнүнө биринчи жолу барып, сүйүнгөнүнөн жашып алганын айтат:
“Алты айдан бери биринчи жолу Ошко төркүнүмө учуп жатам. Кыз бала ушундай экенбиз, бошошуп, түнү менен уктай албадым, толкунданып. Ата-энемдин баскан-турган жерлери... Бейиште жүрүшкөн болушсун. Алла Тааламдан тилейм ар дайым. Сагынып, куса болуп, сүйүнүп баратам. Дияна сиңдимди турмуш сапарына узатабыз. Бактылуу болушсун. Менин жүрөгүм дүк, дүк.
Ордолуу Ош шаарына келдим. Балалык сезимдерим ойгонуп, балалык күндөрдүм баладай бажырайган ар бир көз ирмемди эске салды го. Ар бир кыз бала төркүнүнө барганда мендей болуп сүйүнсүн. Канча күндөн бери кыздарымды сагынып, бүгүн Ош шаарына келдим, сонун, бактылуу минуталар менен башталды. Ар бир адамды күтүп, тосуп, узаткан адамы болгон өзү бактылуулук экендигине бүгүн ынандым. Баарыбыз ден соолукта бололу. Сонун эмоциялар, жүрөгүм сүйүнүп жатат”.