Назира Айтбекова: "Кулачымды жайып, кулачыңа кулагым келет"
"Асман тиреген тоолорум менин! Кулачымды жайып, кучагыңа кулагым келет. Эркелеп, ата-энесинин жанында кенен чуркаган тестиер кыздай, бооруңда кенен чуркайм. Абаңан өпкөм толо дем алып, барыңа кубаттанам! Тоолорум менин, коргой албай сени, кордоп аткан балдарыңды кечир! Мөңгүңдү талкалап, сатып, башка улутка тарттырып жиберип жатканыбызды кечир! Ак калпак кийген атам сындуусуң дейбиз! Деген менен чын эле бизге аска-жөлөк экениңди сезбейбиз! Өз ата-энебиздин кадырын билбеген балдарың сеникин кантип билсин? Акылсыз, алсыз чыктык! Акыр-чикирге толтуруп айланаңды, айбанаттарыңды аттык! Айлаңды алты кетирсек да сыныңдан жазбай, көрк кошуп, заңкайып асман тиреп, жандүйнөсү жапыз балдарыңдын алдында бүгүлбөй, бийик бойдон турасың! Эй, тоолорум менин, кечир бизди!" деп артист Назира Айтбекова эргиген.