Куванычбек Конгантиев камалабы? Элди “шок” кылды...
Ондогон жылдар бою Куванычбек Конгантиев Бишкек шаардык кеңешинде депутат, төрага катары иштеп, борбор калаабыздагы жүздөгөн жер тилкелерине, объектерге ээлик кылууга жетишкени соцтармакка жайнап чыкты. Албетте, мындай баш айланткан байлыктарын жакын туугандарына, досторуна жана ишенимдүү адамдарына каттатканы да айтылат. Ушунчалык да сук болобу? Элдин ырыскысын “сүлүк курттай” эле соргонбу? Натыйжада, көз будамайлоо менен жеке басарлыгы, эбегейсиз байлыктарынын сыры, аларга кантип жеткени ачыкталып атса, катуу жоопкерчиликке тартылабы? Алып-жулганы мамлекетке конфискацияланып, мыйзамдуу алкакта чара көрүлөбү? Айтор, көпчүлүктү убайымга салган соболдордун түйүндөрү чечилбей турат.
Кыскасы, Куванычбек Конгантиевге окшоп байыгандар өтө көп. Калыстык үчүн алар да текшерүүгө алынышы шарт. Андан сырткары, жеке басарлыкка жол берген мурдагы мэрлер, азыркысы жана жооптуу жетекчилер да тергөөгө алынышы зарыл. Ошондо элдин көзү калыстыкка жетет...
