Комузчу Чолпон Мелисбекова сулуулар сынагында баш байгени алды

06-апрель, 19:01

1 231 ᠌ ᠌ ᠌ ᠌᠌ ᠌ ᠌᠌

Комузчу Чолпон Мелисбекова аялдар арасында өткөрүлгөн "Супер Lady-2021" сулуулар сынагында баш байгени жеңип алды. Бул тууралуу комузчу SUPER.KG порталына айтып берди. Анын айтымында, сынак 20 жаштан 60 жашка чейинки аялдар арасында өткөрүлүп, жеңүүчүлөр улуу муун жана кичүү муун деген эки категория менен тандалган.

“Сынакты Чолпон Сакенова уюштурду. Катышуучулардын боюна, салмагына, жашына, кесибине басым жасалган жок. Баарыбыз эки ай окуудан өттүк. Жыйынтыгында финалга жеткен 23 катышуучунун ичинен баш байгени жана Түркияга жолдомо утуп алдым” деп билдирди ал.

Чолпон Мелисбекова дүйнөлүк белгилүү ырларды комуздун кайрыктарына салып чертип, жалпы элге таанымал болгон.

“Супер кж”