Кайгылуу окуя: Таласта эне бала сууга чөгүп кетти

15-февраль, 12:30

1 889 ᠌ ᠌ ᠌ ᠌᠌ ᠌ ᠌᠌

Талас облусунун Арал айылындагы көлмөгө үч жашар бала чөгүп кеткен. Баланын апасы, 25 жаштагы келин уулун куткарам деп артынан сууга түшүп, кошо чөгүп, көз жумду. Бул тууралуу 15-февралда өзгөчө кырдаалдар министрлигинин басма сөз кызматы кабарлады.

Баланын атасы уулунун сөөгүн көлмөдөн өзү алып чыккан. Окуя болгон жерге Талас райондук өзгөчө кырдаалдар бөлүмүнөн төрт куткаруучу барып, келиндин сөөгүн алып чыгышкан жана ички иштер органдарына өткөрүп беришкен.