Прогноз погоды в городе Бишкек
Акыркы кабарлар
» » Депутат Азизбек Турсунбаевдин баракчасынан...

Депутат Азизбек Турсунбаевдин баракчасынан...

20-апрель, 07:10
396 ᠌ ᠌ ᠌ ᠌᠌ ᠌ ᠌᠌
2024-жылдын 9-апрелинде Ала-Бука районуна караштуу Т.Балтагулов айыл аймагынын Ак-Там айылында шайлоочулар менен жолугушуу өткөрдүм. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты.
Жергиликтүү жашоочулар тарабынан бир катар маселелер айтылды.
• Бири-бирине жакын жайгашкан Ак-Там, Кызыл-Ата, Жапа-Салды айылдарынын бирөөсүндө дагы заман талабына туура келе турган маданият үйү жок.
• Ак-Там айылындагы Н.Бекменбетов мектеби 1993-жылы пайдаланууга берилген. Бүгүнкү күндө жылуулук системасы начар. Капиталдык ремонт жасоого муктаж.
• Чанач-Сай суу сактагычынын 2-этабы бүтүп калса, жети айылдын көйгөйү чечилмек деген маселе айтылды. Негизи эле сугат суу көйгөйү тууралуу кеп болду.
• Паспорт алуу үчүн өзүбүздүн айыл аймакта кызмат көрсөтүү болсо деген сунуш айтылды.
• Ак-Там айылындагы Сезим мектепке чейинки билим берүү уюмуна жаңы имарат куруу. 
Мындан сырткары, дагы бир топ жергиликтүү бийликтин аракети менен чечилүүгө жата турган маселелер айтылды. Айтылган баардык маселелерди көңүл сыртында калтырбай, мыйзам алкагында чечүүгө аракетибизди жасайбыз.

***
2024-жылдын 9-апрелинде Ала-Бука районуна караштуу Т.Балтагулов айыл аймагынын Ак-Коргон айылында шайлоочулар менен жолугушуу өткөрдүм. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты.
Жергиликтүү жашоочулар тарабынан бир катар маселелер айтылды.
• Чанач-Сай суу сактагычынын 2-этабын баштоо.
• Падек айылына маданият үйүн куруу.
• Баймак посту кечирээк ачылат, ошол эртерээк ачылса деген сунуш айтылды.
• Айыл аймактарын ирилештирүүнүн натыйжасында болуп жаткан өзгөрүүлөргө байланыштуу суроо-талаптар айтылды.
• Айылдагы Ч. Айтматов мектебинин курулушу боюнча суроо берилди. Бул мектептин курулушу буйруса жакынкы убакыттарда башталат.
Мындан сырткары, дагы бир топ жергиликтүү бийликтин аракети менен чечилүүгө жата турган маселелер айтылды. Айтылган баардык маселелерди көңүл сыртында калтырбай, мыйзам алкагында чечүүгө аракетибизди жасайбыз.

***
2024-жылдын 8-апрелинде шайлоочулар менен болгон жолугушуум Ала-Бука районунун Ала-Бука айыл аймагына караштуу Өрүктү айылында уланды. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты. 
Жергиликтүү жашоочулар тарабынан бир катар маселелер айтылды.
• Турак жай куруу үчүн жер тилкеси.
• Орток-Бел массивине суу чыгаруу.
• Өрүктү айылындагы курулуп баштаган мектепти аягына чыгаруу.
• Өрүктү-Сай айылындагы жолдун 4,5 км аралыгына асфальт төшөө.
• Өрүктү-Сай айылына балдар бакчасы, Кең-Кол айылына мектеп, балдар бакчасын куруу.
• Орто-Токой, Чолок-Тума айылдары үчүн ФАП куруу.
Албетте, бул маселелер дагы мыйзам алкагында чечилет. Жолугушуунун соңунда Өрүктү-Сай айылындагы асфальт төшөөгө муктаж жолдун абалы менен жеринде барып таанышып келдим.

***
2024-жылдын 8-апрелинде шайлоочулар менен болгон жолугушуум Ала-Бука райондук мамлекеттик администрациясынын жыйындар залында өттү. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты. 
Жергиликтүү жашоочулар тарабынан бир катар маселелер айтылды.
• Көпчүлүк айыл аймактарындагыдай эле Ала-Бука айыл аймагында дагы жол маселеси башкы маселелердин бири.
• Достук айылындагы Бөкөнбаев атындагы орто мектептин имаратынын курулушун тездетүүгө көмөктөшүү.
• Орто-Токой суу сактагычынан Орток-Бел айылына суу тартуу. Бул боюнча долбоору даяр, баасы 20 миллион сом.
• “Иштамберди кени боюнча эки лицензия келиптир, аларга “рекультивация кылууга жатпайт” деп жазылып калыптыр. Ушуну көзөмөлдөп берсеңиз” деген суроо узатылды. Кен иштетилген жер сөзсүз рекультивация болушу керек. Бул көзөмөлдө болот.
• Ала-Бука, Чаткал райондору кенге бай. Бирок, сырьелук базаны пайдалануу боюнча программа жок. Бул эки райондун аймагында канча түр кен бар экендигин тактап, сырьелук базаны пайдалануу боюнча программа түзүү зарыл.
• “Эти Бакыр Терексай” кенинин ишмердүүлүгүнөн чаң сапырылып, жайыттарды каптап жатканы айтылды.
• Достук айылындагы 40 гектар жерге суу тартуу маселеси.
• Достук айылындагы мыйзамсыз басылып алынган жерлерди кайра мамлекетке кайтарып алуу маселеси.
Ушул жана дагы башка бир топ маселелер айтылды. Алардын баарын өзүмө тизмелеп жазып алдым. Бардык маселелер мыйзам алкагында каралат.

***
2024-жылдын 5-апрелинде шайлоочулар менен болгон жолугушуум Ала-Бука районуна караштуу Айры-Там айыл аймагында уланды. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты.
Дароо эле баса белгилеп айта кетүү керек, Айры-Там айыл аймагынын (мурдагы аталышы Биринчи Май айыл аймагы) башчысы Мухтар Шербаевдин уюштуруучулук жөндөмү, ишбилгилигинин натыйжасында аймактагы көптөгөн көйгөйлүү маселелер чечилип, жергиликтүү жашоочулардын ыраазычылыгына ээ болуп келе жатат. Биз жолугушуу өткөргөн айылдын Курманбек Шарипов атындагы этнографиялык-маданий борборунун заңгыраган имараты эле айыл аймагынын башчысынын ишинин натыйжасын көрсөтүп турат.
Мухтар Шербаев өз сөзүндө 2021-2024-жылдар аралыгында менин колдоом жана көмөк көрсөтүүлөрүм менен жүзөгө ашырылган бир катар алгылыктуу иштерди санап кетти. Алар төмөндөгүлөр:
1. Биринчи Май айыл аймагынын саламаттыкты сактоо тармагына 2 даана "тез жардам” унаасы тапшырылган.
2. Айыл аймагынын Жаңы-Шаар айылында жайгашкан 150 орундуу мектептин имаратынын курулушун аягына чыгаруу үчүн акча каражаты финансы министрлиги аркылуу толук чечилген.
3. Ажек айылында жайгашкан 230 орундуу мектепти имаратынын курулушу планга киргизилген жана 2023-жылга карата курулуш иштерин аягына чыгаруу үчүн акча каражаты финансы министрлиги тарабынан толук чечилип, которулуп берилген.
4. Айыл аймагында жалпы 3 чакырым жолду асфальттоо иштери планга киргизилген жана Кыргыз Республикасынын транспорт жана жолдор министрлиги тарабынан курулуш иштери аягына чыгарылган. 2024-жылга дагы 2 чакырым жол планга киргизилген.
5. Айыл аймагынын муктаж конуштарына үч даана трансформатор ажыратылып берилген жана орнотулган.
6. Ак-Башат айылында түнкү жарыктандырууларды орнотуу иштери аягына чыгарылган.
7. Совет жана Кулумбетов мектептеринин имараттарын куруу негизги титул тизмесине киргизилген, Совет мектебинин долбоору аягына чыгып, курулушу башталат. Кулумбетов мектебин долбоорлоо иштери аягына чыгарылып, планга киргизилет.
8. Айыл аймагында "тез жардам” кызматын ачуу боюнча штаттык бирдиктер саламаттык сактоо министрлиги тарабынан ажыратылып, ишке берилди.
9. Өрткө каршы кызмат боюнча аскердик бөлүк штаттары чечилип, имарат апрель айынын аягына чейин ачылат.
10. Сумсар суу сактагычы боюнча эки ирет техникалык кеңешме өткөрүлүп, долбоорлоо иштерине 10 миллион сом акча каражаты "Кыргыз суу долбоор" ишканасына ажыратылып берилген. Долбоорлоо иштери жүрүп жатат.
11. Ажек айылында ФАП имаратын куруу иштерине жакындан көмөк көрсөтүлгөн жана курулуш иштери аягына чыгарылган.
Жолугушууга келген жергиликтүү тургундар тарабынан төмөндөгү маселелер айтылды:
• Суу сактагыч куруу маселеси.
• Чакан суу топтоочу жайлар, суу резервуарларын куруу.
• Электр энергиясы, электр мамыларын орнотуу.
• Мектептердин курулуштарын аягына чыгаруу.
• Чуст канатында насостун трубаларын алмаштыруу.
Ушул эле күнү айыл аймагында “тез жардам” кызматынын заман талабына ылайык келген жаңы имаратынын да ачылыш аземи болуп өттү.

***
2024-жылдын 5-апрелинде Ала-Бука районуна караштуу Ынтымак айыл аймагынын Көк-Таш айылында шайлоочулар менен жолугушуу өткөрдүм. Жолугушууга жергиликтүү тургундар, жергиликтүү бийлик өкүлдөрү, айылдык кеңештин депутаттары катышты.
Жергиликтүү жашоочулар тарабынан бир катар маселелер айтылды.
• Башкы маселелердин бири – бул айыл аймагына бара турган жол. Жолго асфальт төшөө иштери аягына чыккан эмес.
• Айыл тургундарына жеңилдетилген кредиттерди берүүгө көмөктөшүү.
• “Бозумчак” кенинен чыккан суу жергиликтүү эл иче турган сууга кошулуп кетип жатат деген сөздөр айтылды. Бул маселени жергиликтүү бийлик атайын комиссия түзүп, жеринен барып текшерип көрүүлөрү керек.
• Көк-Таш айылынын жашоочуларына тиешелүү 150 гектар үлүш жерге Биринчи Май айылынан суу тартып келүү үчүн насос коюу.
• Ынтымак айыл аймагында мөмө-жемиштерди сактоочу муздаткыч орнотууну өкмөткө сунуштоо.
Мына ушул жана башка дагы бир топ маселелер айтылды. Бул маселелерди парламент жыйындарында көтөрүп, министрлер кабинетинин алдына коюп, оң тарабынан чечилишине баардык күч-аракетибизди жумшайбыз.
“Азия Ньюс” гезити
Бөлүшүү:
Тектеш материалдар:
Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
Бүркүттүн алдында калган коёндой эле бырпырадым…
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
(Видео) Кыргыз айылын талкалап жаткан тажиктерди токтотууга болобу?
Aryba.kg - Маалымат порталы
Сайтка баа бер