Коронавирус инфекциясынан кийин жыт сезүүнү калыбына келтирүүнүн жолу табылды
Россиялык дарыгер-отоларинголог Абдулло Ходжаев коронавирус инфекциясынан кийин жыт сезүүнү калыбына келтирүүнүн жолу тууралуу айтып бергенин РИА Новости жазды.
Бул үчүн адис мурундун ичиндеги нерв учтарына абанын жетип турушун камсыздоо керектигин айткан.
“Кан тамырларды ичкертүүгө жардам берген препараттарды, тамчылатмаларды колдонуп, мурун көңдөйүн жууп туруу керек. Деңиз тузунун аралашмасын үйдөн деле жасаса болот. Ошондой эле бөлмөдө абанын нымдашып турганы дагы жардам берет” дейт адис.
Ошондой эле Ходжаев нерв клеткаларын калыбына келтирүү үчүн В тобундагы витаминдерди жана поливитаминдерди ичүү керектигин белгиледи. Мындан тышкары, туура тамактанып, сууну көп ичип, никотин менен алкоголдон баш тартуу зарылдыгы айтылды.
“Спутник-Кыргызстан”