Жалгызмын, эми жеке жашоо тууралуу план да койгум келбейт...
Эмне үчүн адамдар балалуу, ажырашкан аялга терс мамиле кылышат? Же айрым эркектер биринчи болбой калуудан улам өздөрүн төмөн сезишеби?
Ажырашкандан кийин эки балам менен төрт жыл жашадым. Башында оор болду, бирок ишке орношуп, чыгашаларды кыскартып, баарын жолго койдум. Мурдагы күйөөм берген алимент балдардын тамагы менен эс алуусуна гана жетет, калганынын баарын өзүм таап жатам.
Кийин бир ажырашкан эркек менен таанышып, жактырып калдым. “Жашоону бирге баштайлы” деп жатканда, ал досу менен сүйлөшүп жатып, “ооба, аял алдым, эки баласы бар аялды» дегенин угуп калдым. Жиним келди. “Мени алган жоксуң. Тескерисинче, биз сени кабыл алдык, биздин тынч дүйнөбүзгө. Балдарым сени менен жашоого көнүшү керек. Бул “бизди куткардың” дегендик эмес” деп кесе айттым. Ошондон бери жалгызмын. Эми жеке жашоо тууралуу план да койгум келбейт.
Нурида
"Азия Ньюс" гезити
