“Буркурап боздой бербе, сезимдерим, Базардан кайтып калган кезим менин”
“Кыргызстан” партиясы менен шайлоого аттанып жаткан журналист кыз Индира Куралбекова баракчасына төмөндөгү ырды калтырып, ички сезимин жарыялады:
“Толгонуп толкундаба, сезимдерим,
Тагдырга башымды ийген кезим менин.
Таалайсыз максаттардан өксүбөгөн,
Тагдырым билгендердин эсиндемин.
Буркурап боздой бербе, сезимдерим,
Базардан кайтып калган кезим менин.
Бааласын-баалабасын башка бирөө,
Баркымды билгендердин эсиндемин.
Кайгырып, капаланба, сезимдерим,
Карайлап жүдөп турган кезим менин.
Кааласын-каалабасын башка бирөө,
Кадырым билгендердин эсиндемин.
Саргайып санаарканат сезимдерим,
Санаадан жүдөп турган кезим менин.
Сан миң эл кайратымды ширеп турат,
Сырымды билгендердин эсиндемин.
Баардык каалоо-тилектер үчүн сиздерге терең ыраазычылык билдирем. Бар болуңуздар. Баарыңарды жакшы көрөм!”