Максат Дамир уулу: “Пансионаттардын жетекчилери санитардык талаптарды так аткарышы зарыл”
-- Максат мырза, пандемия шартында Ысык-Көлдөгү сезон кандай болот?
-- 1-июндан баштап көл сезону ачылып, мурдагыдай эле иштеп жатат. Маалымат жана туризм министрлиги менен саламаттык сактоо министрлиги биргелешип буйрук чыгарганбыз. Ал жерде катуу талаптар бар. Пансионат, курорт, санаторийлердин жетекчилери, алардын кызматкерлери талапты так аткарышы керек. Талаптардын аткарылышы санэпидемстанция, жергиликтүү бийликтер тарабынан көзөмөлдөнүп турат.
-- Эс алуучу жарандарга кандай талаптарыңар бар?
-- Санитардык-эпидемиологиялык талаптарды сактоолору керек. Аралык болушу шарт. Беткап, колкап, антисептик колдонуулары кажет. Пансионат, куророт, санаторийлердин жетекчилери менен талаптардын сакталышы тууралуу талкууларды жүргүздүк. Ал жердегилердин 90%ы буюрса аткарыла турган иштер. Эгер ал талаптар аткарылбаса, объектти ачпай эле койгон оң болот. Бизге баарынан улуттун саламаттыгы, элдин коопсуздугу маанилүү.
"Азия Ньюс" гезити