Акылбек Мамасейитов өлкөнүн бүтүндүгүнө шек келтирип атабы?
Баткен ОИИБнин начальниги Акылбек Мамасейитов коомдук-коопсуздук абалды жөндөй албай, чек ара чатактары боюнча түшүндүрүү иштерин жүргүзө албаганы, ар дайым эл ичинде чыр-чатактын жаралышына себепчи болгону кандай? Бул кадр шаардык болгону үчүн айыл элинин табиятын билбегени, анализ кылбаганы, милициянын начальниги катары иштей албай атканы кашкайып көрүнүүдө. Өздүк курам ичинде дагы нааразычылыктар ырбап, тымызын жарылууга баратканы каңкууланды. Тез арада Баткен ОИИБге жаңы жетекчи дайындалбаса, аягы жакшы бүтпөйт го? Эске салсак, Акылбек Мамасейитов Жалал-Абаддын башкы милициясы катары да Тогуз-Тородогу кен байлыкты көзөмөлдөй албаганы, жаңжал ырбап, аягы чоң чуулганга айланган. Дал ушунун кесепетинен инвестициялык климатка кедери тийген. Кыскасы, министр Кашкар Жунушалиевдин кадрлары борбордук аппаратты эле “сазга” батырбастан, аймактардан бери кризистик кырдаалды жарата беришеби? Өлкөнүн бүтүндүгү эмне болот?..
"Азия Ньюс" гезити
