Ташболот Балтабаев: “Өзбекстандын премьер-министри элине дух берсе, биздики өргүүдө жатат...”
-- Ташболот ага, чек арадагы абалды, элдин акыбалын көрүп жүрөк ооруйт, кантип оңунан чечебиз?
-- Чек ара чатагына Өзбекстандын премьер-министри келип, эл менен жолугушуп, алардын духун көтөрүп, сооротуп жатса, биздин премьер-министр өргүүдө эргип жатышы – жеткен жоопкерсиздик! Экөөнү салыштырып шаабайың сууйт... 2017-жылы президенттик шайлоонун алдында биздин төбөлдөр “чек араны чечип койдук” деп жар салышкан. Кантип чечишкенинин жыйынтыгын көрүп жатабыз. Дагы бир белгилей кете турган маанилүү нерсе, кээ бир саясатчылардын жеке кызыкчылыгы үчүн куру кыйкырыгы – проблеманы чечүүдөн алыстаткандан башка жыйынтыкка алып келбейт. Чечүүнүн бир эле механизми жана жолу бар: өкмөт жана президент компромисс ыкмасы менен биздин табыгий көзүрлөрүбүздү келишимге жетишип, аны парламент бекитип бериши керек.
Жамиля Нурманбетова
"Азия Ньюс" гезити
