18деги кыздарыңарды мигрант кылып жиберип, кантип акча күтүп жатасыңар?
Асел Бекбосун кызыбыз кыргыз эркектерине нааразы болгон пикирин жазган.
“Кыргыздын жигиттери, мырзалары, силерге катуу тийсе абдан сүйүнөт элем. Себеби, силер ошого тактыктуу болуп калдыңар, жигиттер! Бир нерсе болсо эле аялдарды астыга чыгарып коёсуңар. Карагылачы, канчалаган “элим-жерим” деп күйгөн агаларыбыз миңдин арасынан бири чыкса, ошолорду колдоп алалган жоксуңар... Оозуңар сүйлөйт, колуңар болсо Кудай эле сактасын, кыйратып жазат. Ошо колуңардагы телефонду алып койсо, “жылаңач баатырга” да татыбайсыңар! Кантип уялбай жатасыңар? Бирөөсүн түрмөгө жаткызып, катындарыңарды иштетип, жерлериңерди четинен кытай, тажик, өзбектерге кемиртип... кантип чыдап жатасыңар, “кыргыз” деген жигиттер?! Жашы 18ге толуп-толбогон кыздарын чет жакка мигрант кылып жиберип коюшуп, ошолордон ай сайын акча күтүп жаткан 45-60 жаштагы мырзалар, кантип жатасыңар эркек болуп?! Силердей мырзалар уул-кыздарынан акча алмак тургай, экинчи-үчүнчү аял бакканга күчү жетчү кези да. Жоого аттанса күчкө толгон, сүйлөсөңөр акылы толгон жигиттер, кантип жатасыңар?!”
