37 жаңы учур катталды, коронавирус жуктурган 11 адамдын абалы оор

22-май, 12:42

897 ᠌ ᠌ ᠌ ᠌᠌ ᠌ ᠌᠌

Коронавирус жуктурган 11 адамдын абалы оор, анын ичинен 4 киши реанимацияда жатат. Бул тууралуу 22-майда саламаттык сактоо министринин орун басары Нурболот Үсөнбаев билдирди.

Анын айтымында, учурда өлкөдө коронавирус жуктурган 387 адам ооруканаларда дарыланууда.

“Коронавирус жуктурган 11 адамдын абалы оор. Анын ичинен 4 киши реанимацияда жатат. 48 адамдын абалы орточо оор, 328 бейтаптын абалы канааттандыраарлык” деди Үсөнбаев.

Белгилей кетсек, Кыргызстанда 22-майга карата коронавирус жуктурган 37 жаңы учур катталды.