Прогноз погоды в городе Бишкек
Акыркы кабарлар
» » Тил үйрөнүүдөгү тоскоолдуктар жана андан кутулуунун жолдору

Тил үйрөнүүдөгү тоскоолдуктар жана андан кутулуунун жолдору

05-январь, 19:30
279 ᠌ ᠌ ᠌ ᠌᠌ ᠌ ᠌᠌

XXI кылымда англис тилинин дүйнөлүк муктаждыгы кеңейгендиктен, бул тилди үйрөнгүсү келгендер да көбөйүүдө. Бирок, көпчүлүк учурда канчалык аракет кылып окуса дагы тийешелүү жыйынтык албай, тилди үйрөнбөгөндөр арбын. 

Тил тоскоолдуктары – бул тил үйрөнүүдө пайда болгон кыйынчылыктар. Башка аныктама боюнча бул сүйлөөчү өзүн түшүндүргөндө пайда болгон кыйынчылыктар, же тескерисинче, угуучу башка бирөөнү угууда болгон кыйынчылыктар. 


Тил тоскоолдуктарынын пайда болуусунун себептери: 

-- эрежелерди жана сөздөрдү жаттоодогу кыйынчылыктар; 

-- сүйлөө практикасынын аздыгы; 

-- активдүү жана керектүү сөз топтомунун аздыгы; 

-- сүйлөөгө туура эмес жол тандоо (мисалы, сөзмөөз которуу);

-- туура эмес айтуудан коркуу; 

-- туура окуудагы кыйынчылыктар. 


Иркутск энергетикалык колледжинин (УИФ ГБПОУ) студенттеринин арасындагы сурамжылоонун жыйынтыгында: 

-- 70% студенттер англис тилин көп убакыттан бери окушат;

-- 75% студенттер англис тили келечекте керек болот деген ойдо;

-- 35% студенттер узак убакыт анлис тилин окуудан кийин туура окуудан тартынбай калышкан;

-- 37,5 % студенттер англис тилинин орфографиясын жакшы билишпейт; 

-- 70% студенттердин узак убакыт окуудан кийин сөздүк топтомунун аздыгы билинген;

-- 35% студенттер туура эмес окуудан жана сүйлөөдөн коркушпайт; 

-- 55% студенттер өзүнүн оюн англис тилинде кенен айтып үйрөнгүсү келет; 

-- 37,5% студенттер мектеп программасы англис тилин толук үйрөнүү үчүн жетишсиз деп эсептешет;

-- 35% студенттерге англис тилин түшүнүү оңой.


Төмөндө тил тоскоолдуктарынан арылуу жана тез сүйлөө үчүн кеңештер: 

-- үндү чыгарып окуу; 

-- үндү чыгарып сөз жаттоо; 

-- грамматикалык оңой сүйлөмдөрдү үндү чыгарып кайталоо; 

-- тексттин өзүн жана аудиосун бир учурда угуп, кайталап окуу;

-- бир эле сөз менен оңой сүйлөмдөрдү түзүп, оозеки кайталоо.  


Тил үйрөнүүнүн эрежелери: 

-- максат коюп окуу; 

-- кайсы деңгээлге жетүүнү каалаганыңызды билүү

-- сөз жаттоодо сөздөрдү дептерге көчүрүп жазуу пайдалуу, себеби ал сиздин көрүү эс-тутумуңузду жакшыртат; 

-- сөздөрдү үндү чыгарып жаттоо;

-- текстти үндү чыгарып окуу;

-- тилди үзгүлтүксүз, дайыма окуу.  

Бул практика менен бирге сиздин угуу жана көрүү эс-тутумуңуз жакшырат. Андан тышкары, сиздин мээңиз, тилиңиз жана көзүңүз англис тилин оңой кабыл ала баштайт. Жыйынтыгында, сиз баардык тил жөндөмдөрүңүздү чогуу алып кетесиз. 


Аида Саттарова

Тел.: + 996776097653 

"Азия Ньюс" гезити

Бөлүшүү:
Тектеш материалдар:
Эң көп окулгандар
Бүркүттүн алдында калган коёндой эле бырпырадым…
Жөтөлдөн айыгууга сонун рецепттерди сунуштайбыз. Сактап коюңуз!
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Өлгөн адамдар түшкө кирсе эмне болот?
Aryba.kg - Маалымат порталы
Сайтка баа бер