Гүлсана Бапаева: “Суукта адамдар өздөрүнө көбүрөөк көңүл бурушу керек”
-- Азыркы сасык тумоодон кантип сактанабыз? Кандай кеңештерди жолдойсуз?
-- Сасык тумоо – суукта күчүнө кирүүчү дарт. Мындай учурда адамдар өздөрүнө көбүрөөк көңүл бурушу керек. Суукта эле эмес жылдын төрт мезгилинде тең эле өздөрүнө көңүл бурушу шарт. Дайыма белгилеп айтканымдай эле, адам канчалык көбүрөөк суу ичип жүрсө, кан ошончолук жакшы айланат. Бүт эле оору: сасык тумообу, же башкасыбы, баары кан айланунун жакшы иштебей калганынан чыгат. Ошон үчүн адам дайыма жасалуучу массаждарды жасап, суу ичип, жылуу кийинип, кыймылда болуп жүрүшү керек. Тамакты жөндөгөнүбүз эп. Сөзсүз санитардык норманы сактоо зарыл. Колду кир самын менен жууп туруу шарт. Беткап колдонууну унутпайлы. Эл көп жерге баруудан алыс бололу.
Жамиля Нурманбетова
"Азия Ньюс" гезити
