Желим идиштердин кандай пайдасы жана зыяны бар?
Бүгүнкү күндө желимсиз жашоону элестетүүгө болбойт: ар бир үйдө бир жолку колдонуучу желим идиштер, тамак-аш контейнерлери, бөтөлкөлөр бар. Бирок булар биздин саламаттыгыбызга зыян келтирет.
Америкалык окумуштуулар адамдын организминде табылган “желим” заттардын 80%ы идиш-аяк аркылуу келерин ырасташат. Бирок “тамак-аш желими” деп жазылган соң, ал зыянсыз болушу керек! Анткен менен нюанстар көп, эң башкысы, тамак-аш желими ар түрдүү болот. Желимде кандай заттардын бар экенине жараша колдонуу керек. Тилекке каршы, бул тууралуу этикеткаларда жазылбайт жана ошого ылайык эрежелер дайыма эле сактала бербейт.
Тарелка
Дача же табигатка чыкканда шашлык жана башка тамак-аштар үчүн абдан керектүү буюм. Бирок көбүнесе бул идиш полистролдон (PS) жасалат. Ал ысыганда анда канцерогендик стирол пайда болот. Бул зат боор жана бөйрөктөрдө топтолуп, циррозго алып келиши мүмкүн. Ошондуктан PS маркасындагы идиштерди муздак тамак-аш үчүн гана колдонуу керек. Ысык тамак үчүн туура келген желим – бул полипропилен гана.
