Акыркы кабарлар
» Коом » Баткенде чек арачы 8 жашар баланы атып алды. Бейтаптын азыркы абалы
Баткенде чек арачы 8 жашар баланы атып алды. Бейтаптын азыркы абалы
08-август, 15:41
Баткен облусуна караштуу Баткен районунун Миң-Өрүк айылына жакын жерде К.Ж. аттуу жоокер 8 жашар баланы атып алды. Бул тууралуу чек ара кызматы билдирди. Окуя 7-август күнү болгон.
"К.Ж. аттуу катардагы жоокер Миң-Өрүк айылынын четинде кызмат өтөп жаткан учурда куралдуу күчтөрдүн уставынын талаптарын бузуу менен кокустан ок чыгарган. Анын кесепетинен 2014-жылы туулган А.С. аттуу балага ок тийип, жаракат алган. Ал дароо Баткен облустук бириккен ооруканасына жеткирилген" деди чек ара кызматы.
Алдын ала маалыматтар боюнча, 8-август саат 13:00гө карата баланын абалы канааттандырарлык деп бааланууда.
Окуя боюнча Баткен гарнизонунун аскер прокуратурасына жана укук коргоо органдарына маалымат берилип, иликтөө иштери жүрүп жатат.
