Марат Казакпаевдин өлүмү боюнча акыйкат иликтөө жүргүзүүнү суранабыз!
Кадыр-барктуу саясат талдоочу, эл аралык маселелер жаатындагы белгилүү адис, политология жана экономикалык саясат боюнча окутуучу, иликтөөчү жана дили таза инсан Казакпаев Марат Сайнидинович дүйнөдөн өттү. Бул жакындары, туугандары жана атамекендик илим жана билим берүү үчүн чоң жоготуу болду.
Марат Казакпаев дайыма активдүү жашоо позициясын карманып келген, анын адамгерчиликтүү, жашоону сүйгөн жана оптимисттик сапаттары башкалардан өзгөчөлөнтүп турчу. Ал абдан боорукер жана татыктуу адам эле.
Кыргызстандын эксперттик коомчулугу жана саясат талдоочулары Марат Сайнидинович Казакпаевдин жакындарына жана туугандарына терең кайгыруу менен көңүл айтат.
Марат Казакпаев эсибизде ишенимдүү жолдош, акылгөй инсан жана бийик деңгээлдеги эксперт катары калат.
Тийиштүү кызматтардан Марат Казакпаевдин өлүмү боюнча тыкыр жана акыйкат иликтөө жүргүзүүнү суранабыз.
Аскар Айтматов, Бакыт Бакетаев, Кубан Абдымен, Токтогул Какчекеев, Марс Сариев, Табылды Акеров, Игорь Шестаков, Шерадил Бактыгулов, Турат Акимов, Кайрат Осмоналиев, Эдил Осмонбетов, Аида Алымбаева, Дмитрий Орлов, Эмиль Джураев, Заирбек Эргешев, Бакытбек Жумагулов, Денис Бердаков, Айболот Айдосов, Алибек Мукамбаев
"Азия Ньюс" гезити
