Эржан Сулайман: “Кулиев көчөсүндөгү сойкуканалардан бойго жете элек кыздар качып чыгышууда”
-- Депутат Шайлообек Атазовдун 21 жашка чыга элек кыздарды чет өлкөгө чыгарууга тыюу салуу демилгеси боюнча эки ача пикирлер айтылууда. Сиз кандай пикирдесиз?
-- Мушкер Дастан Шаршеев, депутат Шайлообек Атазовдор Бишкектин Кайсын Кулиев көчөсүндөгү бойго жете элек кыздар жана майыптуулугу бар аялдар сексуалдык кулчулукта эксплуатацияланган сойкуканаларды кармагандар менен күрөшүп, аларга көз жумуп жаткан тийиштүү укук коргоо органдарынын алдында талапты күчөтүшсө да жакшы болмок.
Кулиев көчөсүндөгү ушундай жайлардан ооруканага түшүп, ал жактан араң качып кутулган бойго жете элек кыздар бар экен. Бул көйгөй журналисттик иликтөөлөр жүргүзүлүшүнө да муктаж. Конкреттүү бир көйгөйдү жоюуга баардык тараптар биргелешип иш жүргүзүшү керек.
"Азия Ньюс" гезити
