Төрөхан Жунусбеков: “Төңкөрүштө президенттин кабинетиненен Турсунбек Акундай болуп сүрөткө түшмөкмүн”
Бишкек шаарынын аза көрсөтүү агенттигинин директору менен маек.
-- Төрөхан, жакында эле сага карата “президенттик штандартты уурдап бараткан” деп Темирлан Султанбеков сүрөтүң менен соцтармакка чыгарыптыр. Чын эле уурдадың беле?
-- Бул боюнча түшүндүрмө иретинде “Урматтуу СД партиясынын төрагасы Темирлан, мен флагды уурдамак турсун, Акүйгө кирген дагы эмесмин. Ал эми бул сүрөт Молдовановка айылында жайгашкан колониянын жанында Садыр Жапаров мырзаны бошотуп алуу талабы менен келип, эшигинин астында турганда ошол флагды балдар көтөрүп жүрүшкөнүнөн сүрөткө түшүп койгом, эгер төңкөрүштө президенттин кабинетине кирип алып чыксам, анда Турсунбек Акундай болуп кабинетте сүрөткө түшмөкмүн да” деп айтат элем. Бул менин актануум эмес, тактоом гана.
Сурат Жылкычиев
"Азия Ньюс" гезити
