Күйөөмдүн “апаң мас” деп айткан сөзү катуу тийет...

15-сентябрь, 17:15

1 383 ᠌ ᠌ ᠌ ᠌᠌ ᠌ ᠌᠌

Турмушка чыккам, эки уулдун энесимин. Өзүм эки бир тууганмын. Акыркы убакта апам мени катуу ойлондурчу болду. Күн санап аракка берилип баратат. Бала кезимден жанында жүрүп, баарын билем. Жашоодон аябай көп кордук көрдү. Таенемди көргөн жокмун. Жаштайында жетим калганын айтчу. 

Атам экөө көп урушчу. Атам бизди таштап, башка аялга үйлөнүп кетти. Апам өзү жалгыз иним экөөбүздү багып чоңойтту. Билем, жаштыгы жаштыктай өткөн жок. Анан эмнегедир акыркы убакта өзүн таштап койду. Көп иччү болду. Апамдын тарткан азаптарын, канча ирет “сынганын” билсем дагы, ичкенине чыдай албай урушуп, кагып салчу болдум. Эми мени азапка салып жатат. Күйөөмдүн “апаң мас” деген сөзү катуу тийет... Баш көтөрө албай калдым. Апамды бул абалдан кантип куткарам?

Нурай

Aryba.kg