Акыркы кабарлар
» Коом » Сузактагы Благовещенка жана Бостон айылдарына өзгөчө карантин жарыяланды
Сузактагы Благовещенка жана Бостон айылдарына өзгөчө карантин жарыяланды
18-март, 12:17
425 ᠌ ᠌ ᠌ ᠌᠌ ᠌ ᠌᠌Бүгүн, 18-март күнү Умрадан келген Жалал-Абад облусунун үч жаранынан коронавирус аныкталганы маалым болду. Булар тууралуу кененирээк маалыматты Сузак районунун акими Эрмек Омошев SUPER.KG порталына төмөнкүдөй маалымдаган:
"Коронавирус катталган үч жаран Благовещенка жана Бостон айылынын тургундары. Алар Умра сапарынан келгенде кабар алганы туугандары, тааныштары келген. Коронавирус аныкталган жарандар ким менен байланышкан болсо, ал адамдар карантинге киргизилет. Учурда эки айылга тең карантин жарыяланып, ал жакка кирип-чыккан адамдар өзгөчө көзөмөлгө алынат. Массалык түрдө дезинфекция иштери жүргүзүлөт. Ал эми айыл тургундары үй карантинине алынат. Аларга керектүү нерселерди жарандык коргоо комиссиясы жеткирип берет".