Дүкөндөн азык-түлүктү кантип туура тандоо керек?
Дүкөнгө же супермаркеттерге барганда баарыбыз сапаттуу, ошол эле учурда арзан товарларды алууга аркет кылыбыз. Бул туура көрүнүш. “Барометр”сиздер үчүн дүкөндүрдөн азык-түлүк сатып алууда пайдалуу кеңештердин топтомун сунуштайт. Бул кеңешти угуп, көңүлүңүзгө түйүп алуу ашыктык кылбас.
Органолептикалык баалоо
Товардын сапатын текшерүүдө ар бир сатып алуучу органолептикалык баалоого, же жөнөкөй айтканда, буюмдун сырткы көрүнүшүнө көңүл бурушу керек. Продукциянын түрүнө карабастан, ал туура эмес сактоонун жана ташуунун кесепетинен жаракалар жана башка кемчиликтер болбошу керек.
Даам татуу
Эгерде сизде кандайдыр бир өнүмдү татып көрүү мүмкүнчүлүгү болсо, сөзсүз түрдө ооз тийиңиз. Эгер андай мүмкүнчүлүк болбосо, анда бир жолу продукциянын жакшы жана сапаттуу түрүн сатып алыңыз, мисалы, колбасаларды алууда аны жакшылап байкап көрүңүз. Кийинки жолу ошол эле өнүмдү тандоодо кандай даамга ээ болушу керектигин билүү үчүн бул даамды унутпаңыз.
Жарактуулук мөөнөтү
Эт, балык, деңиз азыктары жана башкалар сыяктуу тез бузулуучу тамактарды сатып алууда жарактуулук мөөнөтүн жана туура сакталышын дагы бир жолу карап чыгыңыз. Жарактуулук мөөнөтү дүкөндөгү жабыштырылган этикеткадан эмес, өндүрүүчүнүн этикеткасынан гана текшерилиши керектигин эсиңизден чыгарбаңыз.
