Искендер Шаршеев: “Санкциялардан улам орус жарандары агылып келип, доллардын төмөндөгөнү байкалды”
Бизнес ассоциациялардын улуттук альянсынын жетекчиси менен маек.
-- Көтөрүлгөн доллар наркы төмөндөп, өлкөбүздө бул валютанын көбөйгөнү байкалды. Кайсы булактар боюнча доллар көбөйүп кетти?
-- Биздин пикирибиз боюнча доллардын түшүп кетиши – бул мигранттардын долларга жасалган депозиттер менен келип сомго алмаштыргандан болду. Андан тышкары да санкциялардан качып, Россиядан канча бир көлөмдө орус жарандары келип, капиталдарын жергиликтүү банктарга жайгаштырып, долларды сомго алмаштырып, тиричилик баштаганынан ушундай абал байкалып турат. Мунун баарына байкоо жүргүзүү зарыл. Текшерүү үчүн Улуттук банктын трансакцияларын караш керек. “Улуттук банк аркылуу трансакциялар көбөйдү” деген маалыматтар берилсе, демек, ошол чыныгы себеп.
Мындан ары квартал сайын биздин импортерлор долларды сатып ала баштаса, ошондо доллар кайра өсө баштайт. Бул абал бир калыпта сакталбайт.
Жамиля Нурманбетова
"Азия Ньюс" гезити
