Медербек Саидов: “Садыр Жапаров чалдардын “советник” армиясын түзбөй эле койсо...”
-- “Вазир жакшы хан жакшы...” дегендей, ажонун айланасындагы кеңешчилерине, кадрларына кандай көз караштасың?
-- Садыр Жапаров чалдардын “советник” армиясын түзбөй, жаңыча ойлонгон жаш кадрлардан кеңешчи алса жакшы болот эле. Эмне болсо дагы жаңы инновациялык технологияларды колдонуу жагынан жаштар алдыда жана ааламдашуу мезгилинде маалыматтарды бат сиңирип, бат үйрөнүшөт, өзгөрүүгө ар дайым даяр болушат.
Эскиче ойлонгон СССРдин кадрларынын азыркы бийликте кандай жана эмне кеңеш берерин деле билбейм. Алардын азыркы заманбап башкаруу системасы менен иштеп кетүүсүнө көзүм жетпейт жана маалыматты бат сиңирип, ыкчам чечим чыгаралышпайт деп ойлойм. Буга чейин кандай иштеп көнүшсө, ошондой бир калыпта гана кете беришет. Балким курултай, идеология деген терминдерге жакын болушу мүмкүн, бирок эффективдүү иштешине көзүм жетпейт.
"Азия Ньюс" гезити
